"Barselona" vingeri Joau Feliks Kataloniya jamoasidagi eng yaqin do'stlari kimlar degan savolga javob berdi.

"Barselona"dagi eng yaqin do'stim? Kanselu", - dedi Feliks Barca Universal nashriga.

Eslatib o'tamiz, ikkala futbolchi ham yozda "Barselona" safiga qo'shilgan edi. Feliks jamoaga "Atletiko Madrid"dan, Kanselu esa "Manchester Siti"dan ijaraga olingandi.

Mish-mishlarga ko'ra, yozgi transfer oynasida kataloniyaliklar Kanseluning ijarasini majburiy sotib olish imkoniyati bilan uzaytirishga harakat qiladi. Feliks esa "matraschilar" safiga qaytadi.

Ayni damda Xavi Ernandes shogirdlari 26 uchrashuvda 57 ochko jamg'arib, Ispaniya chempionati turnir jadvalida ikkinchi o'rinda bormoqda.