"Al-Hilol" yarim himoyachisi Ruben Nevesh o'tgan yozda, hali "Vulverxempton" futbolchisi bo'lganida Evropaning uchta top-klubiga o'tishga yaqin qolganini tan oldi.

“Men uchta klubga o'tishga yaqin edim, ammo barcha variantlar muvaffaqiyatsizlikka uchradi. Natijada hafsalam pir bo'ldi va "Al-Hilol"ga o'tishga rozi bo'ldim. Nomlarni aytmoqchi emasman, lekin "Barselona" eng real variant edi, OAV xabarlari yolg'on emas edi. "Arsenal"da bo'lgani kabi hammasi yaqin edi. O'shanda menga Angliyadan tashqaridagi boshqa klub qiziqib qolgandi", - deya Nevesh so'zlarini keltiradi O Jogo.

26 yoshli Nevesh o'tgan yozda tovon puli sifatida 55 million evro evaziga "Al-Hilol"ga o'tgan edi.