"Barselona" "Bayer"ning hujumkor yarim himoyachisi Florian Virtsga qiziqish bildirmoqda. Shu bilan birga, yosh futbolchi 2026 yilgacha Leverkuzen klubida o'ynashda davom etishi kutilmoqda.

Bu kataloniyaliklarga Virtsni yanada qulayroq narxda sotib olishga yordam berishi mumkin, deb xabar beradi Transfer News Live nashri.

Ayni damda Florian Virtsni Transfermarkt portali mutaxassislari 100 million evroga baholamoqda. Futbolchi may oyida 21 yoshini nishonlaydi. 2023/2024 yilgi mavsumda Virts "Bayer" safida 31 ta o'yin o'tkazib, 8 ta gol va 17 ta golli uzatmani amalga oshirgan.