"Barselona" bosh murabbiyi Xavi Ernandes vinger Rafinya Diasning yangi jarohati haqida ma'lumot berdi. 27 yoshli futbolchi "Malorka"ga qarshi o'yinning birinchi bo'limida maydonni tark etdi.

“Rafinyani almashtirish ehtiyot chorasi sifatida amalga oshirildi. U shunchaki kuchli zarba oldi, bu jarohat emas. Bugun hech qaysi futbolchimiz jarohat olgan deb o'ylamayman”, - deydi Xavi.

12 mart kuni “Barselona” Chempionlar ligasi 1/8 finali javob o'yinini “Napoli”ga qarshi o'tkazadi.