"Barselona"ning Ispaniya chempionatidagi "Malorka"ga qarshi o'yini Kataloniya superklubining nemis darvozaboni Mark-Andre ter Shtegen uchun yubiley, Ispaniya chempionatidagi 400-o'yini bo'ldi. O'yindan so'ng Ter Shtegen "Barselona" klubi saytiga bergan intervyusida ushbu voqea haqida fikr bildirdi.

"400 ta o'yin - bu ajoyib bosqich. Men har doim klubim uchun eng yaxshisini qilishga harakat qilaman, maydonda bo'lishni yaxshi ko'raman" - dedi Ter Shtegen.

Eslatib o'tamiz, germaniyalik darvozabon Kataloniya superklubida 2014 yildan buyon o'ynab kelmoqda. Ispaniya chempionatining navbatdagi o'yinida "Barselona" "Atletiko Madrid"ga qarshi kurash olib boradi.