Xavining fikricha, “Barselona” Evropaning istalgan jamoasi bilan raqobatlasha oladi.

Ertaga kataloniyaliklar Chempionlar ligasi 1/8 finali javob uchrashuvida “Napoli”ni qabul qiladi. Birinchi o'yin durang (1:1) bilan yakunlangan. Uchrashuvdan avval Xavi matbuot anjumanida ishtirok etdi.

"Favoritlar yo'q, imkoniyatlar 50 ga 50. Muxlislar stadionimizdagi bizga ozgina ustunlik berishadi.

- O'yindan keyin penaltilar seriyasi bo'lishi mumkinmi?

- Biz ro'y berishi mumkin bo'lgan barcha stsenariylar ustida ishladik. Men Evropada yaxshiroq jamoalarni ko'rmayapman, ular shunchaki boshqacha. Biz hamma bilan raqobatlasha olamiz. Shuningdek, iqtisodiy ahvolimiz o'zgarmoqda", - dedi “Barselona” bosh murabbiyi.