"Barselona"da ijara asosida o'ynayotgan himoyachi Joau Kanselu faoliyati haqida fikr bildirdi.

"Men faqat katta jamoalarda o'ynash baxtiga muyassar bo'ldim. Men o'z faoliyatim bilan faxrlanaman. Men o'zimni qurbon qilish orqali hamma narsaga erishdim", - dedi Kanselu La Gazzetta dello Sport nashriga.

Joau Kanselu faoliyati davomida “Benfika”, “Valensiya”, “Inter”, “Yuventus”, “Manchester Siti”, “Bavariya” va “Barselona” klublarida o'ynagan. 29 yoshli Kanseluning huquqlari "Manchester Siti"ga tegishli. Portugaliyalik futbolchining Angliya Premer-ligasi giganti bilan shartnomasi 2026/2027 yilgi mavsum oxirigacha amal qiladi.