"Barselona"ning sobiq futbolchisi Jerar Pike futbol uchun inqilobiy echim taklif qilmoqda.

Pikening fikricha, futbolda o'yinning durang bilan tugashi ehtimolini bekor qilish kerak.

"Biz durang natijasini bekor qilishimiz mumkin, nega? Basketbolda durang qayd etilmaydi. O'yin durang bilan tugagach, "Kim g'alaba qozondi?" degan fikr paydo bo'ladi. Futbol o'zgarishdan qo'rqadi", - dedi Pike The Times bilan suhbatda.

Pike ko'p yillar davomida o'ynagan "Barselona" Ispaniya chempionati turnir jadvalida uchinchi o'rinda bormoqda. Bugun Xavi shogirdlari La Liga doirasida safarda "Atletiko Madrid"ga qarshi o'yin o'tkazadi.