Kataloniyaning "Barselona" klubi hujumchisi Lamin Yamal jamoa bosh murabbiyi Xavi Ernandes boshchiligidagi faoliyati haqida gapirdi.

"Men Xavidan ko'p qarzdorman, chunki u meni asosiy jamoa bilan ishlashga jalb qilgan. Uning sharofati bilan men "Barselona"da debyut qildim, keyin esa asosiy tarkibdagi o'rnimni qo'lga kiritdim. Xavi yosh futbolchilarga ishonch bag'ishlaydi", - deydi 16 yoshli futbolchi.

Ispaniya chempionatining joriy mavsumida Lamin 28 ta o'yin o'tkazdi. Umidli hujumchining hisobida 4 ta gol va 3 ta golli uzatma bor.