"Barselona"ning 17 yoshli futbolchisi Pau Kubarsi uning muvaffaqiyatida murabbiy Xavi Ernandesning hissasi haqida gapirdi.

"Ko'k-anorranglilar" murabbiyi yosh markaziy himoyachiga asosiy tarkibdan joy berishni ishonib topshirdi. Ispaniya terma jamoasi bosh murabbiyi Luis de la Fuente ham chetda turmadi, Kubarsini terma jamoaga chaqirdi.

"Xavi tarixdagi eng yaxshi futbolchilardan biri va undan maqtov olish katta sharafdir. Menga bildirilgan ishonchdan juda mamnunman. Xavi yosh futbolchilarga o'z salohiyatini to'liq ro'yobga chiqarishga yordam beradi, bizga jamoadagi barcha kabi munosabatda bo'ladi", - dedi Kubarsi.