"Real"ning o'ng qanot himoyachisi Daniel Karvaxal "Barselona" yarim himoyachisi Pedrining jarohatlari bilan bog'liq qiyinchiliklari haqida gapirdi.

Oy boshida 21 yoshli futbolchi yana jarohat oldi. Xabar qilinishicha, yarim himoyachi mavsumning qolgan qismini va Evro-2024'ni o'tkazib yuborishi mumkin.

“Pedri? U juda yosh, uni oldinda ko'p yillar kutmoqda va men uning jarohati bilan bog'liq muammolarni engib o'tishiga to'liq ishonaman", - dedi Karvaxal.

Pedri joriy mavsum “Barselona” safida 24 ta o'yinda maydonga tushib, 2 ta gol va 4 ta golli uzatmaga mualliflik qilgan.