"Barselona" bosh murabbiyi Xavi Ernandes "PSJ" hujumchisi Kilian Mbappeni qanday zararsizlantirishni aniqlab olishi kerak.

Parijliklarga qarshi "ko'k-anorranglilar"ning ilk o'yini Frantsiyada bo'lib o'tadi - uchrashuv 10 aprelga belgilangan. Jurnalist Toni Xuanmarti ta'kidlaganidek, Xavi uchun asosiy muammo Mbappeni yopish masalasi bo'lib qolmoqda: bu vazifa kataloniyaliklarning o'ng qanotiga ishonib topshiriladi va hozir bu pozitsiyaga ikki nomzod – Ronald Arauxo va Jyul Kunde ko'rib chiqilmoqda. Joau Kanselu himoyaning qarama-qarshi qanotida o'ynashi kutilmoqda.

"Barselona" Chempionlar ligasining 1/8 finalida "Napoli"ni mag'lub etdi (umumiy 4:2). "PSJ" "Real Sosedad"dan ustun keldi (4:1).