"Everton" yarim himoyachisi Amadu Onana faoliyatini "Barselona"da davom ettirishi mumkin, deb xabar beradi Mundo Deportivo.

Manbaga ko'ra, Serxio Busketsning Kataloniya klubidan ketishi sabab yuzaga kelgan katta bo'shliq hali to'ldirilmagan. "Barselona" rahbariyati hozirda ushbu pozitsiyada o'ynayotgan Kristensenning keyingi mavsumda asosiy o'yinchi bo'lishiga ishonchi komil emas. Onana "Barsa"ning qisqa ro'yxatiga kiritilgan, ammo klub 22 yoshli futbolchining yuqori narxidan xavotirda.

Onananing "Everton" bilan shartnomasi 2027 yilgacha mo'ljallangan va Transfermarkt futbolchini 50 million evroga baholamoqda. Joriy mavsumda yarim himoyachi 29 ta o'yin o'tkazib, 3 ta gol urdi va 1 ta golli uzatmani amalga oshirdi.