"Barselona" ketma-ket to'rtinchi g'alabasini qo'lga kiritdi.

Kataloniyaliklar La Liganing 30-turida “Las-Palmas”ni mag'lub etishdi (1:0).

“Blaugrana” oxirgi marta 27 yanvar kuni “Vilyarreal”ga (3:5) yutqazgan. O'sha uchrashuvdan so'ng Xavi mavsum yakunida bosh murabbiylikdan ketishini e'lon qildi.

Keyingi 11 uchrashuvda “Barselona” 8 marta g'alaba qozongan va uch marta durang o'ynagan.

10 aprel kuni u Chempionlar ligasi doirasida "PSJ"ga qarshi o'ynaydi. Uchrashuv Frantsiyada bo'lib o'tadi.