«Barselona» klubi sobiq futbolchisi Jerar Pike korruptsion tizim yaratganlikda ayblanmoqda. Bu Ispaniya futbol federatsiyasi va uning sobiq prezidenti Luis Rubiales bilan bog'liq ekani aytilmoqda.Taxminlarga ko'ra, Ispaniya futbol federatsiyasi pullardan u yoqdan bu yoqqa o'tkazishda Pikening bankdagi hisob-raqamidan foydalangan. Hozirda ushbu masalada surishtiruv ishlari olib borilmoqda. Shuningdek, Ispaniya prokuraturasi Superkubok bahslarini Saudiya Arabistonida o'tkazish evaziga kelib tushgan pullarni "yuvish" bilan bog'liq qonunbuzarlikni tekshirmoqda. Saudiyaliklar bilan shartnoma tuzishda Pikega tegishli bo'lgan "Kosmos" kompaniyasi ishtirok etgan.