Darvozabon Andrey Lunin mavsumni sifatli o'tkazmoqda.

Bu yo'lda ukrainalik futbolchi Kepaga qarshi bahsda g'alaba qozonib, jarohat olgan Tibo Kurtua yo'qligida “Real”ning asosiy darvozaboni bo'lishga muvaffaq bo'ldi.

TodoFichajes xabariga ko'ra, "Real" Luninni o'zida saqlab qolmoqchi va unga 3 yilga mo'ljallangan yangi shartnoma taklifini yuborgan.

Biroq 25 yoshli futbolchida shubha bor. U Kurtua tiklanganidan keyin "Los Blankos"ning ikkinchi darvozaboni bo'lishdan qo'rqadi.

Qayd etilishicha, agar Lunin «Real»ni tark etishga qaror qilsa, u Angliya Premer-ligasida o'ynashi mumkin.