“Barselona” hujumchisi Rafinya Dias Chempionlar ligasida haftaning eng yaxshi futbolchisi deb topildi. Bu haqda UEFA rasmiy sayti xabar bermoqda.

Chempionlar ligasi 1/4 finalining birinchi o'yinida "Barselona" safarda "PSJ"ni 3:2 hisobida mag'lub etgandi. Rafinya 76 daqiqani maydonda o'tkazdi va dubl qayd etdi. Aytish joizki, braziliyalik uchrashuvning eng yaxshi futbolchisi deb topildi.

Haftaning eng yaxshi futbolchisi nomiga Fil Foden (“Manchester Siti”), Martin Edegor (“Arsenal”) va Antuan Grizmann (“Atletiko”) da'vogarlik qilishdi.