«Barselona» muxlislari Chempionlar ligasi o'yini oldidan «PSJ» futbolchilarini bezovta qilishdi.

El CHiringuito telekanali xabariga ko'ra, tunda Kataloniya klubi muxlislari «PSJ» futbolchilari tunab qolgan mehmonxona derazalari ostida pirotexnika otishgan.

Diario Sport nashrining qayd etishicha, Parijda bo'lib o'tgan Chempionlar ligasi 1/4 finalining birinchi o'yini oldidan «PSJ» muxlislari xuddi shunday yo'l tutishgan edi.

Bundan tashqari, «Barselona»ning bir necha o'nlab muxlislari «PSJ» mehmonxonasi yonida haqorat so'zlari bilan baqirishdi.

Ularning aksariyati to'g'ridan-to'g'ri Usmon Dembelega qaratilgan edi.