Lionel Messi: «Jamoa maqsadlari sari ishlashda menga shaxsiy sovrinlar shart emas»
«Barselona» hujumchisi Lionel Messi o'zining oltinchi «Oltin to'p»ini qabul qilib olganidan keyin taassurotlari bilan o'rtoqlashdi.
«Avvalo menga ovoz bergan jurnalistlarga minnatdorchilik bildiraman. G'alabalar va mag'lubiyatlar bilan o'tgan ajoyib yilni o'tkazishda menga yordam bergan klub va termadagi jamoadoshlarimga rahmat aytmoqchiman. Siz ham mazkur e'tirofning bir qismisiz.
Shaxsiy va sportdagi hayotimdan roziman. Yildan yilga yaxshi bo'lishga harakat qilyapman. Eng yaxshi bo'lish uchun ishlashdan to'xtamayman.
Individual sovrinlar – bu muhim e'tirof bo'lib, ammo ular hamisha ikkinchi darajali bo'lib qoladi, asosiysi jamoaviy yutuqlar. Men har yili shunga intilaman. Men hamisha sovrinlar uchun kurashga tayyorlaman, ammo ba'zida rejam amalga oshadi, ba'zida esa — yo'q.
Men uchun tarixning, klubim tarixining bir qismi bo'lish — sharaf. Biz jahonning eng yaxshi jamoalaridan biri ekanimizdan faxrlanaman. «Oltin to'p» kabi sovrinlar klubning darajasini oshiradi.
Mazkur e'tirof uchun minnatdorchilik bildiraman. Biz uchun bu muhim kun. Bugun xursandchilik qilamiz, keyin esa oldinga qarab intilamiz.
Ushbu sovrin yanada kuch bilan ishlashga yordam beradi. Lekin jamoa darajasidagi sovrinlarni yutish maqsadida ishlashda davom etish uchun menga individual sovrinlar shart emas. Biz odatdagidek yana urinib ko'ramiz, umid qilaman, bu safar omadimiz keladi», – dedi Messi.
3-Dekabr 2019,08:19
O'xshash yangiliklar
Izoh qoldirish
Bo'limlar
Eng ko'p o'qilgan
FC BARCELONA O'YINLARI
Futbolchilar hayotidan (Instagram)
108