Kataloniyaning "Barselona" klubi yarim himoyachisi Ilkay Gyundogan jamoasining Chempionlar ligasini tark etishi haqida gapirdi.

"Agar Arauxo qo'pollik qilgan bo'lsa, menimcha, bu to'g'ri qizil kartochka. Men vaziyat takrorini ko'rmadim, bilmayman. Siz mendan yaxshiroq bilsangiz kerak.

Men bu vaziyatda gol o'tkazib yuborishni yoki hujumchiga birga bir imkoniyat berishni afzal ko'raman. Ammo, ehtimol, darvozabonimiz bizni qutqarib qolardi... 

Odamlarning hafsalasi pir bo'ldi, lekin ayniqsa, bunday o'yin, bunday natijadan keyin men ko'proq umidsizlik, ko'proq g'azabni his qilyapman.

Men bu erga bunday o'yinlarda mag'lub bo'lish uchun kelganim yo'q", – dedi Gyundogan.