"Barselona" ayollari jamoasi so'nggi 5 yil ichida ilk bor o'z uyida mag'lub bo'ldi.

Bu Chempionlar ligasining birinchi yarim finalida "Chelsi"ga qarshi o'yinda (0:1) yuz berdi. Erina Katbert 40-daqiqada g'alaba golini kiritdi.

Kataloniya jamoasi Ispaniya chempionatida "Sporting"ga yutqazib qo'ygan 2019 yilning fevral oyidan beri o'z uyida mag'lub bo'lmayotgandi.

Bundan tashqari, "Barselona" 2022 yilning aprelidan beri ilk bor o'yinni gol urmasdan yakunladi. Oxirgi marta Chempionlar ligasi doirasida "Volfsburg"ga qarshi o'yinda (0:2) shunday bo'lgandi.

Shuningdek, bu jamoaning joriy mavsumdagi barcha musobaqalardagi ilk mag'lubiyatidir. "Chelsi" bilan uchrashuvgacha "Barselona" 37 uchrashuvda 35 g'alaba va ikkita durang qayd etgan.