Pedrining akasi ijtimoiy tarmoqlarda "Barselona" yarim himoyachisiga qilingan tanqidlarga qattiq javob qaytardi.

Fernando Gonsales "Barselona"ning "klasiko"dagi mag'lubiyatidan so'ng (2:3) e'lon qilingan Kataloniya klubi muxlislaridan birining "Tvitter"dagi postiga munosabat bildirdi.

“Pedri haqida jiddiy gaplashishimiz kerak. Nol testosteron va yomon fe'l-atvorga ega bo'lgan behuda iste'dod. 

"Barsa" u va uning akasi tunda nima qilishini biladi. Jismoniy jihatdan u 30 daqiqadan ko'p o'ynay olmaydi va o'ynaganidan ko'ra tez-tez jarohat oladi", - deyiladi tvitda.

"Barsa" yarim himoyachisining akasi o'z "storis"ida postning skrinshotini bo'lishdi va uning mazmuniga izoh berdi.

"Siz masxaraboz bo'lsangiz kerak. Ukamning sport karerasi sizga yoqmasligi mumkin, lekin uning mehnati va sadoqati haqida shubha qilish - bu nodonlik va bizni umuman tanimaslikdir. Siz yolg'onchi va ahmoqsiz", – dedi Fernando Gonsales.