RFEF "Barsa"ga Lamin Yamalning "klasiko"dagi zarbasiga oid videoyozuvlarni berishdan bosh tortganini tushuntirdi.

Oldinroq Joan Laporta “Barselona” “Real”ga qarshi o'yin (2:3) epizodiga oid video va audio yozuvlarni talab qilishini, unda Yamalning zarbasidan so'ng to'p Madrid darvozasi chizig'ini kesib o'tgan bo'lishi mumkinligini aytgan edi.

Kataloniya klubi prezidenti, agar hakam Sezar Soto Gradoning xatosi tasdiqlansa, takroriy o'yinni talab qilish niyati borligini ma'lum qildi.

Biroq hakamlar qo'mitasi epizod yozuvlarini "Barselona"ga topshirishdan bosh tortdi.

Mundo Deportivo xabariga ko'ra, Ispaniya Qirollik futbol federatsiyasi boshqa klublar avvalroq ham shunday so'rovlar yuborgan bo'lsa-da, ularga hech qanday material taqdim etmagani bilan yuqoridagi vaziyatni izohladi.