"Barselona" himoyachisi Ronald Arauxo yozgi transfer oynasida klubini o'zgartirishi mumkin.

Diario Sport nashri xabariga ko'ra, urugvaylik futbolchining atrofidagilar "Barselona"ning yangi shartnoma taklifidan norozi. Shu sababli, Arauxoga yaqin odamlar himoyachini "ko'k-anorranglilar" safini tark etishga ko'ndirishlari mumkin.

Joriy mavsumda 25 yoshli futbolchi barcha turnirlar doirasida 34ta uchrashuvda ishtirok etib, bitta gol urgan. Arauxoning "Barselona" bilan shartnomasi 2026 yilgacha mo'ljallangan.

Transfermarkt portali futbolchining narxini 70 million evroga baholagan. 29 aprel kuni "Barselona" o'z maydonida "Valensiya"ga qarshi bahs olib boradi. La Liganing 33-turidan o'rin olgan o'yin Toshkent vaqti bilan soat 23:59da boshlanadi.