"Barselona" bosh murabbiyi Xavi Ernandes markaziy himoyachi Ronald Arauxoni qo'llab-quvvatladi. Urugvaylik futbolchi La Liganing “Valensiya”ga qarshi o'yinda o'z jarima maydonchasida qoida buzdi. Mehmonlar penaltini golga aylantirib, oldinga chiqib olishdi.

“Arauxo xato qildi, lekin u turli vaziyatlarda bizga ko'p yordam berdi. U ko'plab futbolchilarimiz kabi hali yosh va o'rganishda davom etmoqda. Ba'zi narsalarni yaxshiroq nazorat qilishi kerak, lekin u bizni avval ham ko'p marta qutqargan", - deya Xavining so'zlarini keltiradi Barca Universal.