"Barselona" muntazam o'yin amaliyotiga ega bo'lishi uchun Vitor Rokeni ijaraga berishga qaror qildi. 19 yoshli hujumchi qishda "Blaugrana" jamoasiga kelib qo'shildi.

Jurnalist Vinisius Furlanning ijtimoiy tarmoqlarda yozishicha, "Barselona" Rokening La Ligada o'ynashda davom etishini istamoqda. Braziliyalik futbolchining o'zi ham Ispaniyada qolmoqchi.

Qayd etilishicha, “Betis” Vitor Rokeni yozgi transferlar vaqtida ijaraga olmoqchi. Umuman olganda, Roke "Barselona"ning 13 ta rasmiy uchrashuvida qatnashgan. Ularda hujumchi ikkita gol urdi.