"Barselona" futbolchisi Ferran Torres yaqinlashib kelayotgan transfer oynasida sotilishi mumkin. Kataloniya giganti o'z tarkibini bir qancha nufuzli transferlar bilan kuchaytirishni rejalashtirmoqda, biroq ularni amalga oshirish ko'plab sotuvlarni talab qilishi mumkin.

Jurnalist David Bernabeuning fikricha, "Barselona" Torres bo'yicha takliflarni tinglashga tayyor. 24 yoshli futbolchiga "Atletiko Madrid" va Angliya Premer-ligasi vakillari qiziqish bildirmoqda.

Ferran Torres bu mavsumda Xavi Ernandes jamoasi safida 39 o'yinda maydonga tushib, 11 gol va 4 golga assistentlik qilgan. Transfermarkt portali ma'lumotlariga ko'ra ispaniyalik vingerning narxi 35 million evroni tashkil qiladi.