"Barselona" bosh murabbiyi Xavi Ernandes yanvar oyida "Tottenxem" futbolchisi yarim himoyachi Jovani lo Chelsoni o'z jamoasiga o'tishini istagandi.

Sport nashri xabariga ko'ra, "ko'k-anorranglilar" sport direktori Deku argentinalik futbolchining nomzodini rad etgan, chunki u jamoada jismonan kuchliroq yarim himoyachini ko'rishni xohlagan.

Eslatib o'tamiz, kuzda "Barselona" yarim himoyachisi Gavi tizzasidan jarohat olib, mavsum oxirigacha safdan chiqqan edi. Shu boisdan ham "ko'k-anorranglilar" yanvar oyida yangi yarim himoyachi sotib olmoqchi edi, biroq kerakli futbolchini taklif qilishning iloji bo'lmadi.