Hammasi "Barselona" bosh murabbiyi Xavi Ernandes o'rniga Xans-Diter Flik tayinlanishi tomon ketmoqda.

Nemis murabbiyi kataloniyaliklarni boshqarishga tayyor, uning yaqin orada tayinlanishi ehtimoli juda yuqori. Jurnalist Xose Alvaresning fikricha, Flikning "Barselona"ga kelishi deyarli tugallangan. Qolaversa, Xavining o'zi rahbariyat uni "Bavariya" va Germaniya terma jamoasining sobiq ustozi bilan almashtirish niyatidan allaqachon xabardor.

Kataloniya klubi uch hafta oldin Flik bilan dastlabki kelishuvga erishgan, biroq keyinchalik Xavi ketish haqidagi fikrini o'zgartirgani uchun kelishuv muzlatilgan edi.