"Barselona"ning polshalik hujumchisi Robert Levandovski Ispaniya Superkubogi doirasidagi "Real"ga qarshi o'yin yakunlari bo'yicha o'z fikrlarini bildirib o'tdi. Jamoalar Saudiya Arabistonining Jidda shahridagi "King Abdullah Sports City" stadionida to'qnash kelishdi. Uchrashuv bosh hakami sifatida Xose Munuera Montero ishladi. "Ko'k-anorranglilar" 3:2 hisobidagi g'alabani nishonladi.

"Real" ustidan qozonilgan har bir g'alaba - katta voqea. Ular o'yin davomida juda past blokda o'ynashdi. To'pni bir qanotdan ikkinchi qanotga olib o'tishda sabrli bo'lishimiz kerak edi.

Eng muhimi, bizda yana bir unvon bor," - deya Levandovskining so'zlarini keltiradi Madrid Universal X ijtimoiy tarmog'ida.