Madrid xo'jalik sudi Superliga tashkilotchilarining UEFA va FIFAga qarshi da'vo arizasini qisman qanoatlantirdi.

Qarorda aniqlanishicha, UEFA va FIFA o'zlarining ustunlik mavqeini suiiste'mol qilib, bozordagi erkin raqobatga to'sqinlik qilib, o'zlariga uchinchi tomon turnirlarida qatnashishni taqiqlash va asossiz cheklovlar qo'yish bo'yicha ixtiyoriy vakolatlar berishmoqda.

Shu tariqa, UEFA va FIFA Evropa Ittifoqi faoliyati to'g'risidagi shartnoma moddalarini buzmoqda. Bu haqda El Imparcial nashri yozmoqda.

Shuningdek, qaror UEFA va FIFAga raqobatga qarshi amaliyotlarni to'xtatishni buyuradi. Qayd etish kerakki, Superliga loyihasini “Real Madrid” prezidenti Florentino Peres olib bormoqda. "Barselona" ham ushbu turnirni qo'llab-quvvatlamoqda.