"Barselona" tarkibni kuchaytirish rejalarini ko'rib chiqmoqda.

A Bola nashri xabariga ko'ra, Kataloniya klubi "Manchester Yunayted" yarim himoyachisi Brunu Fernandeshga qiziqish bildirmoqda. Qayd etilishicha, "ko'k-anorranglilar" moliyaviy qiyinchiliklarini inobatga olgan holda kelasi yozda bunday kelishuvni amalga oshirish juda qiyin bo'ladi.

Transfermarkt portali Brunu Fernandeshni 70 million evroga baholamoqda. Avvalroq, Myunxenning "Bavariya" klubi 29 yoshli portugaliyalik futbolchini o'z safiga qo'shib olish choralarini ko'rayotgani haqida xabarlar tarqalgan edi.

2023/2024 yilgi mavsumda Fernandesh 48 ta rasmiy o'yinda 15 ta gol urdi va 13 ta golli uzatmani amalga oshirdi.