Hujumchi Kilian Mbappe 3-iyun, dushanba kuni rasman “Real”ga o'tdi.

Bu haqda "qirollik" klubi matbuot xizmati ma'lum qildi. Marca nashrining yozishicha, 25 yoshli yulduzning ispan grandi safidagi debyuti Frantsiya terma jamoasining 2024-yilgi Evropa chempionatidagi o'yiniga bog'liq bo'ladi.

Agar “uch ranglilar” turnirning yarim finaliga chiqsa, unda Mbappe AQShdagi mavsumoldi "qaymoqranglilar" turnesini o'tkazib yuboradi.

Agar turneda qatnashmasa, uning debyuti 14 avgust kuni "Atalanta"ga qarshi UEFA Superkubogi bahsida bo'lib o'tadi.