Kataloniyaning “Barselona” klubi prezidenti Joan Laporta jamoa yarim himoyachilaridan birini ketkazish niyatida. The Athletic xabariga ko'ra, "blaugrana" rahbari o'tgan yozda "Jirona"dan "Barselona"ga o'tgan tayanch yarim himoyachisi Oriol Romeuni 3,40 million evroga sotmoqchi.

Romeu mavsumni asosiy tarkibda boshlagan bo'lsa-da, yangi jamoasida keyinchalik asosi tarkib futbolchisi maqomini yo'qotdi. Oriol Serxio Busketsning o'rniga taklif qilingandi, ammo "Chelsi"ning sobiq yarim himoyachisi umidlarni oqlay olmadi.

Romeuning shartnomasi 2026 yilgacha tuzilgan, shuning uchun futbolchi ketishga shoshilmayapti. Avvalroq, keyingi mavsumda Chempionlar ligasida ishtirok etadigan "Jirona" futbolchini qaytarishga qiziqayotgan edi.