"Yuventus" o'z tarkibini kuchaytirish ustida ishlamoqda. Jurnalist Fabris Xokinsning ijtimoiy tarmoqlarda xabar berishicha, Turin klubi allaqachon "Nitstsa" himoyachisi Jan-Kler Todibo bilan 5 yillik shartnoma borasida kelishib olgan.

Qayd etilishicha, 24 yoshli Todibo "Yuventus" uchun ustuvor nomzod hisoblanadi. Shu bilan birga, "keksa senora" "Barselona"ning sobiq futbolchisi uchun "Nitstsa"ga hali taklif bilan chiqqani yo'q. Buning uchun turinliklar o'z futbolchilaridan birini sotishi kerak.

Transfermarkt portali Jan-Kler Todiboni 35 million evroga baholamoqda. Matbuot xabarlariga ko'ra, futbolchi "Vest Xem"ning ham nishonida.