"Barselona" prezidenti Joan Laporta jamoaning yangi bosh murabbiyi Xans-Diter Flik haqida gapirdi.

"Biz Fliskga to'liq ishonamiz. U biladiki, "Barselona" o'ziga xos o'yin uslubi bilan futbol olamida etalon hisoblanadi. Biz g'alaba qozonishni istaymiz", - dedi Laporta Jijantes FC bilan suhbatda.

Eslatib o'tamiz, Flik shu yozda "Barselona"ni qabul qilib olib, jamoa bosh murabbiyi sifatida Xavi Ernandesni almashtirgan edi. Ispaniya La Ligasining so'nggi mavsumi yakuniga ko'ra, "ko'k-anorranglilar" 38 turda 85 ochko to'plashga muvaffaq bo'lib, ikkinchi o'rinni egallashdi.