"Barselona" va Niko Uilyams mish-mishlarga qaramay, shartnoma shartlari bo'yicha kelishib olishmagan.

Bir necha kun oldin ispan manbalari Bilbaoning "Atletik" klubi vingeri Kataloniya klubi bilan 5 yillik shartnoma imzolagani haqida xabar tarqatgandi. MD xabariga ko'ra, Uilyams haligacha "Barselona" taklifini qabul qilmagan. "Atletik" 22 yoshli futbolchini yana bir mavsum qolishga ishontirishda davom etmoqda.

"PSJ" ham Niko Uilyams uchun kurashda va bask klubi o'z yulduzini La Ligadagi raqiblaridan biriga emas, balki xorijiy ligaga sotishni afzal ko'radi. Bundan tashqari, parijliklar ancha qulay shart-sharoitlarni taklif qilishadi.