"Barselona"ning sobiq sardori Serxi Roberto faoliyatida ilk bor o'zini boshqa klubda sinab ko'radi.

32 yoshli futbolchi iyul oyi boshida "blaugrana" bilan shartnomasi tugagach, erkin agentga aylandi. Ispaniyalik boshqa klublar bilan muzokara boshlashga shoshilmadi, chunki "Barselona" yarim himoyachiga yangi shartnoma taklif qilishini istisno qilmadi. Sport xabariga ko'ra, Roberto endi kataloniyalik grandlar safini tark etish borasida yakuniy qarorni qabul qildi. Futbolchi vaziyat oydinlashishini kutishdan charchagan.

Serxi Roberto "Barselona" safida 373 ta o'yin o'tkazgan. Uning asosiy jamoadagi debyuti 2010 yilda Pep Gvardiola boshchiligida bo'lib o'tgan.