Mark-Andre ter Shtegen 2024/25 yilgi mavsumda "Barselona" sardori bo'ladi.

Marca xabariga ko'ra, Serxi Roberto ketganidan keyin sardorlik bog'ichi germaniyalik darvozabonga o'tadi. Dushanba kuni u yangi maqomga ega bo'ladi va Joan Gamper kubogida ishtirok etadi.

Har qanday o'zgarishlar faqat jamoa ichida saylov o'tkazilgan taqdirdagina mumkin.

Avvalroq Frenki de Yong va Ronald Arauxo vitse-sardor bo'lishlari haqida xabar berilgandi.

Ter Shtegen "Barselona"da 2014 yildan beri to'p surmoqda - bu hozirgi tarkibdagi eng tajribali futbolchi.