“Barselona” hujumchisi Ansu Fati yaqin orada jamoani tark etishi mumkin, deb xabar bermoqda Sport.

Manbaga ko'ra, bosh murabbiy Xansi Flik futbolchini o'zida saqlab qolish istagiga qaramay, klub futbolchini sotishi mumkin. Fatining agentiga "Barsa" futbolchi bilan xayrlashish niyati haqida allaqachon ma'lum qilingan.

Forvardning "Barselona" bilan shartnomasi 2027 yilning o'rtalariga qadar tuzilgan. Futbolchi jarohati sabab jamoaning barcha mavsumoldi o'yinlarini o'tkazib yubordi.