"Barselona" yarim himoyachisi Dani Olmo yangi jamoasidagi debyutiga tayyorgarlik ko'rmoqda.

26 yoshli futbolchi o'tgan hafta Germaniyaning "RB Leyptsig" klubidan kataloniyaliklar safiga qo'shildi. Ayni damda “Barselona” Olmoni ro'yxatdan o'tkaza olmagan – ispaniyalik futbolchi “Valensiya”ga qarshi (17 avgust) La Liganing 1-tur uchrashuvini o'tkazib yuboradi, deya xabar bermoqda jurnalist Xose Alvares. Shu bilan birga, manba ta'kidlaganidek, "ko'k-anorranglilar"ning yangi yulduzi katta ehtimol bilan Bilbaoning "Atletik" jamoasi bilan ikkinchi davra uchrashuvida (24 avgust) maydonga tushadi.

Dani Olmoning transferi "Barselona"ga bonuslarni hisobga olmaganda 55 million evroga tushdi.