Ilkay Gyundogan «Barselona»ni sezilarli katta xarajatdan saqlab qoldi.

Insayder Fabritsio Romanoning xabar berishicha, «Manchester Siti» va «Barselona» yarim himoyachining transferi uchun barcha kerakli hujjatlarni rasmiylashtirgan. Premer-liga klubi nemis futbolchisini erkin agent sifatida o'z safiga qo'shib oladi.

Qayd etilishicha, Gyundogan Angliya chempioniga qaytish uchun Kataloniya jamoasida unga tegishli bo'lgan ikki yillik maoshdan bosh tortgan.

"Sapology" ma'lumotlariga ko'ra, yarim himoyachi ikki mavsum davomida 37,5 million evro ishlab olgan bo'lardi (bonuslar va soliqlarsiz. Soliqlardan keyin - 18 million evro).