"Barselona" hujumchisi Vitor Roke "Betis"ga o'tishga yaqin turibdi. Insayder Fabritsio Romano xabariga ko'ra, Sevilya klubi braziliyalik futbolchini ijaraga olish borasida "blaugrana" bilan deyarli kelishuvga erishdi.

Tomonlar faqat bir nechta tafsilotlarni hal qilishlari kerak, ulardan biri ijara shartnomasining amal qilish muddati. Roke "Betis"ga bir emas, ikki mavsumga ketishi mumkin.

19 yoshli futbolchi o'z transferini allaqachon ma'qullagan va "Barselona"dan yashil chiroq yonishini kutmoqda. Vitor Rokeni kataloniyaliklar yanvar oyida Braziliyaning “Atletiko Paranaense” klubidan 40 million evro evaziga sotib olgandi.