Mashhur murabbiy Arsen Venger "Barselona"ga baho berdi.

Xans-Diter Flik jamoasi Ispaniya chempionatining yangi mavsumida bo'lib o'tgan to'rtta o'yinning barchasida g'alaba qozonib, turnir jadvalida birinchi o'rinni egallab turibdi.

"Barselona" xavfli jamoa. Xans-Diter Flik jamoasining o'yinini faqat Pep Gvardiola futboli bilan solishtirish mumkin", — dedi Venger Reddit bilan suhbatda.

"Barselona" La Liga doirasidagi navbatdagi o'yinini 15 sentyabr, yakshanba kuni raqib maydonida "Jirona"ga qarshi o'tkazadi. O'yin Toshkent vaqti bilan 19:15 da boshlanadi.