"Atletik" vingeri Niko Uilyams "Barselona"ga o'tmagani sabablari bilan o'rtoqlashdi.

Futbolchining so'zlariga ko'ra, u Bilbaoga sodiq va Kataloniya jamoasining qiziqishidan mamnun bo'lgan.

"Katta jamoalar kun tartibida sizning nomingiz borligi yaxshi, lekin men bu erda bo'lishni xohlayotganimni har doim aniq aytganman.

"Atletik" - bu boshqa tuyg'u. Mening yuragim "Atletik"ga tegishli. Bu erda shartnomam bor, ammo kelajakda nima bo'lishini hech kim bilmaydi. Men shu erda qolmoqchi edim, chunki "Atletik" bilan Evropada o'ynash meni eng ko'p hayajonlantirdi", – dedi Uilyam Mundo Deportivo bilan suhbatda.

O'tgan mavsumda Uilyams "Atletik" safida La Ligada 31 ta o'yin o'tkazib, 5 ta gol urdi va 11 ta golli uzatmani amalga oshirdi.