"Barselona" prezidenti Joan Laportaning maslahatchisi Enrik Masip Kataloniya jamoasining sobiq bosh murabbiyi, hozirda "Manchester Siti"da ishlayotgan Pep Gvardiola taktikani tushunishda "ko'k-anorranglilar"ning hozirgi etakchisi Xans-Diter Flikdan ustun ekanligini takidladi.

"Murabbiylarning ikki turi mavjud. Murabbiylikning asl mohiyatini, etakchilik qobiliyatini o'zida mujassam etgan Pep Gvardiola... Va yana bir tip bor, ko'proq menejerga o'xshab, Pep kabi taktik bilimga ega emas. Masalan, Anchelotti, Flik yoki Del Boske", - dedi Masip El Chiringuito bilan suhbatda.

Flik “Barselona”ni shu yilning may oyi oxirida qabul qilib olgan edi. Ayni damda germaniyalik mutaxassis boshchiligidagi kataloniyaliklar La Liga turnir jadvalida yakka peshqadamlik qilmoqda va 26 oktyabr kuni safarda “Real”ni mag'lub etdi (4:0).