Markaziy himoyachi Kleman Langle "Barselona"ni tark etib, Madridning "Atletiko" klubiga o'tdi.

29 yoshli futbolchi "matraschilar"ga erkin agent sifatida kelib qo'shildi. Madridga yakuniy ko'chib o'tishdan oldin frantsuz o'zaro kelishuvga ko'ra "Barsa" bilan shartnomani bekor qilgani ma'lum. Diario Sport xabariga ko'ra, hamkorlikni muddatidan oldin to'xtatgani uchun Kataloniya klubi Lenglega taxminan 1,5 mln evro to'lagan - futbolchi shartnomasining qolgan ikki yili davomida taxminan 32 mln evro ishlab olishi kerakligini hisobga olsak, bu ancha foydali kelishuv.

Kleman Lengle 2018 yil yozidan buyon "Barselona"ga tegishli edi. Markaz himoyachisi o'tgan mavsum "Atletiko" safida ijara asosida to'p tepgan edi.