Moliyaviy muammolar tufayli "Barselona" yarim himoyachi Dani Olmoni faqat yarim mavsum uchun ro'yxatdan o'tkazgan. Kataloniyaliklar endi o'z byudjetini to'ldirish va Olmoni mavsumning ikkinchi qismiga ro'yxatdan o'tkazish ustida faol ishlamoqda. Agar bu ish bermasa, 26 yoshli yarim himoyachi yanvarda erkin agent sifatida ketishi mumkin bo'ladi - bu uning mehnat shartnomasida nazarda tutilgani aytilmoqda.

TeamTalk xabariga ko'ra, agar Olmo "Barselona"ni tark etsa, "Arsenal" uni o'z safiga qo'shib olmoqchi. Londonliklar bu o'yinchiga, ayniqsa, uni tekinga qo'shib olish imkoniyatiga juda qiziqmoqda.

2024/2025 yilgi mavsumda Dani Olmo 14 ta o'yinda 6 ta gol va bitta golli uzatmani amalga oshirdi.