Yarim himoyachi Dani Olmo va hujumchi Pau Viktorning "Barselona"dagi kelajagi so'roq ostida.

Yaqinda Kataloniya klubi har ikki futbolchini ro'yxatdan o'tkaza olmadi. Klub rahbariyati bu qarorga rozi emas va vaziyatni to'g'irlash ustida ishlashda davom etadi, ammo hech narsa qila olmasa, mavsumning qolgan qismida Olmo va Viktorsiz qoladi.

Carrusel Deportivo xabariga ko'ra, hujumchi va yarim himoyachi norozi, chunki avvalroq "Barselona" ularni vaziyat allaqachon hal bo'lgan deb ishontirgan.

Dani Olmo yozda "Barsa"ga avgust oyida "RB Leyptsig"dan ko'chib o'tgandi, Pau Viktor esa iyulda "Jirona"dan sotib olindi.