"Tottenxem" hujumchisi Son Xyon Minga "Barselona" qiziqish bildirayotgan edi. Kataloniyaliklar janubiy koreyalik futbolchini kelasi yozda tekinga qo'lga kiritish variantini ko'rib chiqayotgan edi.

Kataloniya klubi "shporlar" yulduzini hujumni kuchaytirish uchun ajoyib variant deb hisobladi, ammo kelishuv endi amalga oshmaydi, chunki futbolchi yaqinda "Tottenxem" bilan shartnomasini yana bir yilga uzaytirdi.

Son Xyon Min joriy mavsumda Anj Postekoglu jamoasida 24 ta o'yinda 7 ta gol urdi va 6 ta golli uzatmani amalga oshirdi. Transfermarkt ekspertlarining fikricha, 32 yoshli forvard 38 million evroga baholanmoqda.